RATED R
ni Rommel Gonzales
PASABOG ang magaganap na concert na Forty Tiny: Live In Concert sa November 6, 2026, 7:30 p.m. (California, USA time) sa The Noypitz Bar & Grill – 7591 Carson Blvd., Long Beach, CA 90808.
Mula ito sa Darsen12 Foundation ng founder nito na si Jensen Carlo Quijano aka Tiny at co-founder at husband niyang si Darwin Anthony Quijano.
Ang nasabing show ay magtatampok kina Tiny, Angel Ram (tinaguriang Sultry Versatile Diva of the East Coast), Claire Bricencio, Dynamic Diva of WCOPA, at si Dessa na kilala bilang Asia’s Powerhouse Diva.
Ang show ay ididirehe ni Jack C Ross at ang Musical Director naman ay si Myke Gonzaga.
Ang bahagi ng proceeds ng concert ay para sa benefit ng Home For The Golden Gays headed by Mr. Ramon Busa at Gabay Sa Landas headed by Lynlyn N. Bernales.
Nangako rin sila na tutulong sa aming nalalapit na heart procedure sa Enero, mareng Maricris Valdez, my beloved HATAW entertainment editor!
Ang Darsen12 Foundation Inc. /Darsen12 ay isang registered 501(c)(3), isang non-profit organization sa California.
