Marian reyna ng dance floor para kay Geleen Eugenio 

MATABIL
ni John Fontanilla

TATLONG lalaki at isang babae ang maituturing na hari at reyna ng dance floor ayon sa iconic at legend sa sayawan, ang Choreographer of the Stars, Ms Geleen Eugenio.

Ang tatlong lalaki na hari sa dance floor ani Ms Geleen ay sina Rayver at Rodjun Cruz  at Billy Crawford samantalang ang Kapuro Primetime Queen na si Marian Rivera namana ng reyna ng dance floor.

Ilan sa mga sikat na artista na naturuan ni Tita Geleen ay sina Nora Aunor, Vilma Santos, Sharon Cuneta, Maricel Soriano, Alma Moreno, Nadine Lustre, Yassi Pressman, at Marian.

Isa si Tita Geleen sa makakasama ni Ms. Miles Obra sa Disco Forever D4E! dance concert sa March 21, 2026 sa The Theater at Solaire.

Kasama rin ang The Pacesetters, Aldeguer Sisters, Yvonne Salcedo, Pia Moran, Swing Duos, Vicor Crowd, Vicor Dancers, Dyna Dancers, Dyna Company D, Alpha Colours, A&W Dancers, Octo Arts Dancers, Octo Mechanix, Magic Movement, Beat Culture, Knapsax, Miles and The Pacesetters, Black Gold Dancers, WEA Dancers, WEA Ral’s, BMG Dancers, Turbo Gang, Power X People, Black and White, Singles, Urban Dance Crew, Viva All Male, Big Brothers, Manoeuvres, Hotlegs, VIP and Axis PH. 

May special participation naman sina Ima Castro, The Boyfriends, Tess D. Smith, Bravo’s Angels, at Sephy Francisco. Ididirehe ito ni Miguel Tanchanco.

Ang D4E! ay hatid ng  B&B House of Talents and Events Management nina Madam Cecille Bravo at Mr. Raoul Barbosa, Intele Builders and Development Corporation, PCSO, SB Clinic, at ni Ms Lynn Bautista.