HATAW! D'yaryo ng Bayan hatawtabloid.com
ALAM MO NA!
ni Nonie Nicasio
Sina Cecille Bravo at Miles Obra ay nagsanib-puwersa para sa idea na magkaroon ng DISCO FOREVER (D4E) na hahataw na sa March 21, 2026 sa The Theater, Solaire, 8:00 ng gabi.
Ibinabalik ng Disco Forever (D4E) ang diwa ng disco sa pagdiriwang ng musika, sayaw, at kulturang nagbigay-kulay sa dekada ‘70, ‘80, at ‘90.
Ito ay handog ng B & B House of Talents and Events Management Corp., sa pangunguna nina Mr. Raoul V. Barbosa at Ms. Cecille ng Intele Builders and Development Corporation, PCSO, SB Clinic, at ni Ms. Lynn Bautista. Ito ay for the benefit ng Dance Advocates Network for Collaborative Empowerment.
Pinangungunahan ni Ms. Miles ang pagbabalik ng ginintuang panahon ng sayaw. Aniya, “This show is my way of giving back and honoring the journey. Disco Forever (D4E) celebrates the memories, friendships and the passion for dance that continues to inspire new generations.”
Sa aming panayam naman kay Ms. Cecille, inusisa namin kung bakit after producing films, Disco Forever naman ang sinunod niya?
Pahayag niya, “The upcoming Disco Forever dance concert is actually the first jump of B&B House of talents into a major concert production. It is headed by me and my dearest bestfriend Mr. Raoul Barbosa together with his partner Jeffrey Dizon and my children, who are also enthusiastic about the arts.
“We hope that we can introduce a different class of show productions and talent management which could set us apart from the others. And this is where we would like to continue our focus as of the moment.”
Layunin nitong ipagdiwang ang mga icon at performance powerhouses na nagbigay-buhay sa tatlong hindi malilimutang dekada. Higit pa ito sa isang palabas. Isa itong pagpupugay sa kultura. Isang pagbuhay muli sa ritmo at galaw, at isang pagdiriwang sa ginintuang panahon ng disco.
Tampok dito ang trailblazer na si Ms. Miles, kasama ang kanyang grupong Miles & The Pacesetters. Siya ay nagbibigay inspirasyon na magsasama-sama ang mga dance icon upang lumikha ng isang gabing hindi malilimutan.
Ito ay directed by Flo Reyes at kabilang sa featured performers sina Ms. Geleen Eugenio, The Aldeguer Sisters, Pia Moran, at Yvonne Salcedo.
Bahagi naman sa powerhouse dance legends na magtatanghal ang Swing Duos, Vicor Crowd, Vicor Dancers, Dyna Dancers, Dyna Company D, Alpha Colours, Wea Dancers, at marami pang iba.
May special participation dito sina Ima Castro, Tess D. Smith, at The Boyfriends. Front act performers sina Janah Zaplan, Klinton Start, Bravo’s Angels, at Sephy Francisco.
