Mark dinagsa ng simpatya ng mga kapwa artista

PUSH NA’YAN
ni Ambet Nabus

NAKALULUNGKOT namang talaga ang nangyari kay Mark Herras na balitang hiniwalayan na nga ng asawa dahil sa hindi na ito makapag-provide sa pamilya. 

Halos “mamalimos” ng awa at suporta ang dating kilalang aktor na matagal na ngang walang trabaho sa showbiz. Sisihin man siya ng marami sa sinasabing hindi nito pagsusubi noong mga panahong sikat, ang bottomline pa rin ay ang pagpasok niya sa buhay may pamilya ng tila hindi handa.

Sa nag-viral na ’emote’ ni Mark, may mga kapwa celebrities ang aktor na nagpakita ng simpatya at nagpahayag ng pagtulong sa aktor.

‘Yun nga lang, ayon sa aming nasagap, sa totoong buhay naman daw ay puro mga lip service lang ang ginawa ng karamihan. 

Pabibo lang daw sa socmed dahil ni singkong duling ay wala man lang daw na ibinigay kay Mark. Lalo naman daw ‘yung mga nagsabing “one call away” lang daw sila and yet, deadma naman sa mga tawag o text.

Napaka-harsh talaga ng reality sa showbiz!