Ellen pinuri si John Lloyd: he is a good provider

SHOWBIZ KONEK
ni Maricris Valdez

MATAPOS pagpiyestahan ang mga isinambulat ni Ellen Adarna ukol sa umano’y nag-cheat na asawang si Derek Ramsay, ang pagiging mabuting tao, ama naman ang ibinahagi nito ukol kay John Lloyd Cruz. 

Sa pamamagitan ng video na ipinost niya sa IG Stories, sinagot ni Ellen ang tanong ng netizens ukol sa ama ni Elias Modesto. Inurirat sa aktres kung ok sila ni JL.

“With JL, wala talaga ako masabi. I have nothing but good things to say about him, you know.

“We had differences in the past but I respect him because he is a very good provider. He is honest and he is a very present father.

“Take note na noong naghiwalay kami ni JL, that was before Elias turned one year old, present siya,” ani Ellen.

Pinuri ni Ellen kung paanong gumawa ng paraan si Lloydie para makita ng personal ang kanilang anak noong kasagsagan ng COVID-19 pandemic.

“He would charter a private private plane for Elias during COVID just to see his son,” pagmamalaki ni Ellen.

Sa tanong ukol sa relasyon ni Derek sa anak nilang si Liana na nagdiwang ng 1st birthday noong October 23 at ang hindi pagdalo ng ama sa kaarawan nito, sinabi ni Ellen na, “He was sent an invite, but he chose not to go. He was doing frisbee or golf somewhere—so important, right?

“So there, he was sent an invite, and just two of his family came: his sister and his nephew. That’s it. He had a choice,” sagot ni Ellen.

Nauna rito, isinapubliko ni  Ellen kung paano nag-cheat daw sa kanya si Derek noong kasisimula pa lamang ng kanilang relasyon.

Ipinost nito ang mga“resibo” (screenshots) ng umano’y palitan ng mensahe ni Derek at ng “side chick” nito noong February 13, 2021.

Ani Ellen, kung nagawa umano ni Derek na magtaksil noong  nagsisimula pa lang ang kanilang relasyon, baka raw nangyari uli ito noong mag-asawa na sila.