NLEX handang umakyat sa PBA
PINAG-IISIPAN na ng North Luzon Expressway ang pag-akyat nito sa PBA bilang expansion team sa susunod na taon.
Sinabi ng pangulo ng NLEX na si Rodrigo Franco na ang pagiging kampeon ng Road Warriors sa PBA D League ay isang senyales ng pagiging handa na maging ika-11 na koponan sa liga.
“We have always made sure that this team is formidable and competitive. And you can see it with their performance in the D-League. So it can be ready for elevation,” wika ni Franco.
Kung matutuloy ang pag-akyat ng NLEX sa PBA, magiging ikatlong koponang may-ari ni Manny V. Pangilinan bukod sa Talk ‘n Text at Meralco.
llan sa mga manlalaro ng NLEX na nasa PBA na ay sina Calvin Abueva, Chris Ellis at Cliff Hodge.
Ilan ding mga Road Warriors ay kasama sa PBA Rookie Draft ngayon tulad nina Greg Slaughter, Ian Sangalang, Nico Salva at RR Garcia. (James Ty III)
