HATAW! D'yaryo ng Bayan hatawtabloid.com
HARD TALK
ni Pilar Mateo
PARA makakuha ng pwesto sa Top 10 finalist kailangan ng maraming boto sa online hanggang October 18, 2025, 6:00 p.m.
Kaya kung nais nating makabilang doon sa Miss Eco Teen International 2025 si Paula Merced Carmel B. Vitug, kakailanganin ng ating mga daliri na pumindot.
Sa missecoteeninternational.1voting.com. kapag nahanap na ang Philippines na may ngalan ni Paula, VOTE na ang iki-click at pipili ng voting package na pipiliin ang inyong payment channel at sasang-ayon sa mga kasunduan. At saka muling pipindutin ang VOTE NOW!
Mahalaga ang bawat boto para kay Paula, para sa Pilipinas.
Mayroon ding eco tourism video ang ating kandidata sa YouTube.
Si Hon. Gerald D. Ortiz ang nagpasimula ng prangkisa ng Miss Eco Teen Philippines 2025 na nasa ilalim ng Mr. And Ms Philippine Youth Organization. Para ma-empower ang kabataan tungo sa pagiging ambassador ng leadership, edukasyon, at mga adbokasiya sa pamamagitan ng pageantry.
Estudyante ng abogasya sa Pamantasan ng Ateneo de Manila si Paula na kumukuha ng BS Legal Management. At nakopo nito ang dalawang titulo bilang Ms. Philippine Youth Tourism 2025 at Miss Eco Teen Internstional 2025.
At ang puso naman niya ay nasa charity at pagkalinga sa kalikasan.
Malapit na ang laban nito sa Alexandria, Egypt.
At handang-handa naman ang beauty and brains na sumabak sa panibagong hamon.
Sa pakikipag-usap ng media kay Paula, very confident ang dalaga sa hamong kakaharapin. At mukhang ang kanyang ina ang inspirasyon nito sa pagganap sa mga papel niya sa buhay.
Kahit pa mas subsob sa pag-aaral niya ang dalaga, ang pageantry ang isang bagay na nagagawa niya ang mga adhikain sa buhay.
Sa kabataan. Sa Kalikasan.
Nawa’y maiputong sa kanya ang korona sa ika-pitong edisyon ng naturang patimpalak. Sa makasaysayang lugar ng Alexandria sa Ehipto na roon din matatagpuan ang mga Pyramid sa Giza.
Kaya ‘wag kaligtaang bumoto, ha!
