HATAW! D'yaryo ng Bayan hatawtabloid.com
MATABIL
ni John Fontanilla
SRO ang katatapos na back to back show ng Innervoices at Neocolours sa Noctos Music Bar sa Scout Tuazon, Quezon City noong September 6.
Iba talaga ang hatak ng InnerVoices sa mga tao plus may Neocolours na may hatak din sa masa dahil sa kanilang hit songs.
Katulad ng kanilang mga nakalipas na shows nag-enjoy nang husto sa kanilang mga awitin ang mga tao sa loob ng Noctus Music Bar. Kinanta nila ang Meant to Be, Take This Love, Behemian Rhapsody, Wild Flower, Broken Wings, Idlip, Saksi ang Mga Tala, Sa Ilalim ng Buwan atbp..
Ang InnerVoices ay binubuo ng band vocalist nitong si Patrick Marcelino, kasama ang founder at keyboardist na si Atty. Rey Bergado gayundinsina Rene Tecson sa guitar, Alvin Herbon sa bass, Joseph Cruz sa keyboard, at Joseph Esparago sa percussion.
Inawit naman ng Neocolours sa pangunguna ng band vocalist nitong si Ito Rapadas ang kanilang mga original hit song na Say You’ll Never Go, Hold On, Tuloy Pa Rin.
At sa Sept. 12 ay nasa Aromata Quezon City ang InnerVoices at sa Sept. 19 ay babalik sila sa Noctos Music Bar kasama ang Apo Hiking Society.
Bukod sa Noctos Music Bar, regular ding tumutugtog ang Innervoices sa 19 East Bar and Restaurant (na pag-aari ni Wowee Posadas), Aromata Quezon City, at Hard Rock Café sa Glorietta, Ayala.
