18 minutong pelikula ni Altarejos kumurot sa puso ng mga kababaihan

HARD TALK
ni Pilar Mateo

EKSPERIMENTO. Oo.

May ninais na patunayan ang 18 minutong pelikulang ginawa ni Joselito Altarejos. Ang Huwag Mo Akong Salingin (Touch Me Not).

Pamilyar? Noli Me Tangere..

Nabubuo naman ang istorya o proyekto sa mga usapan. Sa pagsasama-sama ng naghahalo-halong ikot ng kaisipan.

Si Liz Alindogan ang napagitna para magkita ang mga utak nila. Pelikula. Paano ba?

Ang may hilig na mapalaganap ang sining sa pamamagitan ng pinilakang-tabing, isang babae.

At nabuo ang pelikula na nagpapakilala sa kanya.

Kay Lynn Bautista. 

Kwento ng mga kababaihan sa Noli, Si Maria Clara. Si Salome. Si Sisa.

Umalagwa ang kaisipan. Dahill natahi sa kabuuan ang paglalagay ng mga likhang kasuotan ni Rene Magtibay Salud. Na tinernuhan ng mga alahas na nagsilbing palamuti mula sa  disenyo ni Milahros Berboso Imson.

Ipinamalas sa mga piling panauhin na itinaon sa kaarawan ng bida sa sinehan sa VS Hotel. Na lahat ng nagsidalo ay isinuot ang kanilang baro’t terno. Mga kilala at may sinasabi sa lipunan.

Masaya ang may kaarawan. 

Naaeok nila ng direktor ang gusto nilang makita at mramdaman ng mga manonood na ninanais nilang mapanood sa mga iba’t ibang sinehan sa palibot ng mundo bukod dito. 

Simula pa lang daw ito ng pagpapalaganap ng musa ni direk Jay na si Lynn sa pag-alagwa sa mas marami pang proyekto sa mga  darating na buwan.

Kasama sa cast sina Germaine Gale Salazar, Jai Galang, Victor Sy, Mateo Manabat, at Adam Agustin.

Binigyang tinig ng katauhan ni Lynn ang mga kababaihan ng nagdaang panahon na nagmahal, minahal, nasaktan, lumaban.

Labingwalong minuto na kumurot sa puso ng mga sumaksi sa pelikula sa ibinulalas ng mga kinatagpong kababaihan sa kasalukuyang panahon- si Lynn. 

Kakaibang eksperimento.