HATAW! D'yaryo ng Bayan hatawtabloid.com
ALAM MO NA!
ni Nonie Nicasio
MASAYANG-MASAYA ang award-winning aktor, direktor at talent manager na si Tonz Llander Are sa nakamit nilang awards ng kanyang mga alaga sa nagdaang Global Excellence Leadership Awards 2025 na ginanap last August 10 sa Admiral Hotel Manila
Ginawaran dito si Direk Tonz ng Outstanding Movie Actor and Film Director of the Year. Ang mga talent naman niya na pinarangalan ay sina Nicolle Ulang – Most Promising Singer/Actress, Prince Rae Dantes – Most Promising Actor, Shaira Hernandez – Most Promising Director of Photography, at sina Cyper & Cyline Tabares para sa karangalang Most Promising Singer/Actress.
Ang DayDreamer Entertainment Production ay ginawaran din ng Most Outstanding Production of the Year. Kasama nila sa nasabing award’s night sina Gabriel Tabares at Jerome Francisco.
Nagpahayag ng labis na kagalakan si Direk Tonz sa natamong pagkilala,
Aniya, “Ang masasabi ko sa awards na iginawad po sa amin, sobrang saya and thankful kasi nakita nila iyong efforts ng production para sa mga bata. Lalo na sa mga aspiring actors na mga na-discover ko, blessings sa DayDreamer Entertainment Production itong award at sa mga alaga ko.
“Maraming salamat sa Global Excellence Leadership Awards sa recognition, lalo na po kay mam Liza Flores, ang founder-CEO nito,” masayang pahayag pa ni Direk Tonz.
Incidentally, abangan si Tonz, this time bilang aktor naman sa bagong sitcom na pinamagatang ‘Wais at Eng-Eng’ na tinatampukan nina John Estrada, Long Mejia, at Kim Rodriguez.
Kasama rin dito sina Jorel Ramirez, King Gutierrez, Leo Bruno, Isabella Ortega, Queenzy Sembrano, Relly Jose Jr., at Zach Bederi. Ito ay mapapanood tuwing Sabado sa Puregold Channel, sa direksiyon ni Ricky Victoria.
-30-
