Red ng MaxBoyz gustong makatrabaho si Liza

RATED R
ni Rommel Gonzales

MIYEMBRO ng all-boys sexy group na MaxBoyz si Red na noo’y nakilala at nainterbyu na namin gamit ang pangalang Pedro Red sa shoot ng pelikulang Wild Boys.

Artista rin si Red.

Anong genre niya nais na malinya?

“Siguro po drama at saka action, anything, comedy puwede rin po.”

Graduate ng Culinary Arts si Red sa MICA o Magsaysay Institute of Culinary Arts sa United Nations.

Idolo niya si Ruru Madrid na nakatrabaho na niya noon sa The Half Sisters nina Barbie Forteza at Thea Tolentino.

“Nagkaroon na kami ng scene before, I was a varsity player din doon.

“Parang nakapag-throw lines po kami,” kuwento pa ni Red.

Anong nararamdaman ni Red na artista na siya?

“Unang-una, mixed emotion po, kasi pangarap natin, pangarap ko ‘to. So, para sa akin, nandoon ‘yung kaba. 

“Siyempre, kapag nasa showbiz ka, hindi nawawala ‘yung bashing. Siyempre, hindi natin maiiwasanan ‘yung iba nagko-comment ng hindi maganda, ‘Sino ba yan? Hindi ko yan kilala.’

“So, para sa akin, sa punto na ‘yun, parang hindi ako ganoon ka-ready, pero kakayanin, magiging ready tayo talaga.”

Sensitive ba siya sa mga pamba-bash?

“Hindi naman po ako sobrang sensitive, basta hindi lang madadamay like, ‘yung family, ganyan. So, kung ako lang, sige why not?”

Sa babae, sino ang leading lady na gusto niya?

“Sa akin po, ano eh, si Liza, Ms. Liza Soberano, kasi idol natin. 

“At saka, nakasama ko na si Liza, napakabait niya.”

Nag-talent si Red sa Forevermore ng ABS-CBN nina Liza at Enrique Gil na umere noong 2015.

Binubuo rin ang MaxBoyz nina Wolf, RJ, Aei, JJ, Benny, Dhale, BK, Chadd, CJ, JP, Elton, RD, Seonwoo.

Manager nila si Mariposa Cabigquez na CEO ng Wildstar Media and Production.

Si Mariposa ay isa ring dancer, kabilang siya sa Wowowee dancers kasama sina Luningning at Milagring.