HATAW! D'yaryo ng Bayan hatawtabloid.com
SHOWBIZ KONEK
ni Maricris Valdez
“SHE died in her sleep, hindi siya nahirapan.” Ito ang tinuran ni Jackie Lou Blanco sa panayam sa kanya sa burol ng kanyang inang si Pilita Corrales sa The Heritage Memorial Park sa Taguig City.
Namaalam noong Abril 12 sa edad 87 ang showbiz icon at walang ibinigay na detalye ang magkapatid na Jackie Lou at Ramon Christopher sa sanhi ng papanaw ng kanilang ina.
Ayon kina Jackie Lou at Monching, mahina na talaga ang kanilang ina pero okey ito at walang sakit bago namaalam.
“She died in her sleep, which I’m very thankful for because, you know, hind siya nahirapan, hindi naospital, hindi siya in lingering illness.
“Para sa akin okey na ‘yun,” wika ni Jackie Lou.
“My heart problem ever since si Mama, at saka lately ‘yung memory… Pero healthwise, okey naman siya,” sabi naman ni Monching.
“But we don’t know if she had an attack during that sleep. We don’t know. But I mean, it doesn’t matter, but we don’t know,” wika pa ni Jackie Lou.
“Hindi na namin inalam. Basta she was sleeping,” susog pa ni Monching.
Ang kanilang step father pala ang tumawag sa kanila at nagpaalam ng malungkot na nangyari sa kanilang ina.
“Si Tito Carlos, ang husband niya at ang isa naming kapatid, mga 2:00 a.m. tumawag sila. So, pumunta na kami agad,” lahad pa ni Monching.
“I had the feeling, sabi ko, ‘Wow, parang they’re not going to call us naman at 2:00 a.m. Oh, there’s something, ‘di ba? So, we rushed,” dagdag ni Jackie Lou.
Hindi naman napigilan ni Jackie Lou na mapaluha nang tanungin kung may nais pa siyang sabihin sa ina. “Just to tell her how much I love her, and to to thank her for everything.
“And to tell her that I will continue to honor her by the way I work, the way I live, by telling people how wonderful she is, and just to say thank you, thank you so much for bringing up me and Mond the best way she could.
“I will miss her so much. I will miss how wonderful she smells. She smells so good,” emosyonal na sabi pa ni Jackie Lou sa kanyang inang si Pilita.
