Tuesday , March 18 2025
Buhain PAI Swim
PANGUNGUNAHAN ni  PAI Secretary General at Batangas 1st District Rep. Eric Buhain ang nakatakdang Philippine Aquatics Inc. (PAI)-organized Congressman Eric Buhain Cup sa  Sabado (Marso 15)  sa bagong itinayong Balayan Aquatics Center sa Brgy. Caloocan, Bahay, Batangas. (HENRY TALAN VARGAS)

PAI youth swimming program sa Southern Tagalog tampok sa Buhain Cup

MAHIGIT 300 swimmers mula sa mga inimbitahang paaralan, member club, at local government units (LGUs) sa rehiyon ng Southern Tagalog ang nakatakdang sumabak sa Philippine Aquatics Inc. (PAI)-organized Congressman Eric Buhain Cup sa  Sabado (Marso 15)  sa bagong itinayong Balayan Aquatics Center sa Brgy. Caloocan, Bahay, Batangas.

Sa pakikipagtulungan ng Southern Tagalog Amateur Swimming Association (STASA) at Speedo, ang isang araw na kaganapan ay bahagi ng walang humpay na pagsisikap ng PAI na kilalanin ang talento at palakasin ang grassroots sports program sa mga probinsya.

“Ang kaganapan ay nagtatapos sa isang maikling programa para sa groundbreaking para sa pagpapalawig at pagpapabuti ng swimming pool. Kailangan nating ayusin ang pasilidad na ito para hindi lamang Balayan, o Batangas bagkus para sa buong Pilipinas na magagamit ng ating mga kabataang manlalangoy,” ani PAI Secretary General Batangas 1st District Rep. Eric Buhain.

“Nakakataba po ng puso Ang Dami ng inaasahan natin na dadagsa sa acting munting paligsahan, na malaki naman Ang magiging ambag hindi lang sa pagpapaunlad ng ating programa para sa kabataan sa palakasan ng swimming. Ngayon pa lang Ang aming taus-pusong pasasalamat sa suporta.”

Iginiit ni Buhain ang pangangailangan para sa higit pang mga torneo upang matugunan ang dumaraming bilang ng mga batang atleta na bumaling, at “bumalik” sa paglangoy bilang isang testamento ng tiwala at kumpiyansa sa pamunuan ng PAI mula nang sila ay maluklok kasama ang pangulong si Miko Vargas.

“Panahon na para ipakita ang tunay na potensyal ng paglangoy sa ating bansa, sa bawat sulok ng bansa. Olympics, susunod ka!”

“Lahat ng 17 miyembro ng rehiyon ay nagho-host ng mga tournament buwan-buwan. Sa aming panig, nagsimula ang PAI sa isang serye ng mga kaganapan sa parehong maikli at mahabang kurso sa aming kalendaryo. Kailangan nating i-sustain ang pagsisikap ng ating mga kabataang manlalangoy para maging mahusay at makapasok sa National Training Pool,” ani Buhain.

Idinagdag ni Buhain na inuuna ng PAI ang pagpapaunlad ng kagalingan ng mga coach sa mga nakatakdang seminar kabilang ang isasagawang pagtitipon sa Marso 24-15 sa Orchid Garden Hotel na tatampukan ni Olympic coach Derric Schoof ng Canada bilang speaker.

Sinabi ni PAI Executive Director Anthony Reyes na bahagi ng seminar ang pakikipag-ugnayan ni Schoof at ng kanyang protegee na si Kyla Sanchez sa mga piling miyembro ng national training pool at junior swimmers.

“Si Schoof ang coach ni Kyla (Sanchez) noong bahagi siya ng Canadian Team na nanalo ng Olympic relay medal. Marami matututunan sa aming mga lokal na coach, gayundin ang mga batang manlalangoy kapag nakipag-ugnayan sila kay Kyla,” ani Reyes.

Sinabi ni Reyes na nagsagawa rin ang PAI ng Life Saving/Emergency Care Seminar noong Pebrero 22-23 at Marso 1-2, upang magkaroon ng kamalayan at matutunan ang mga benepisyo ng paglangoy hindi lamang bilang isang isport kundi pati na rin sa pagliligtas ng mga buhay. (HATAW Sports)

About Henry Vargas

Check Also

TRABAHO Partylist, may malasakit sa mga kababaihang nasa laylayan ng lipunan

TRABAHO Partylist, may malasakit sa mga kababaihang nasa laylayan ng lipunan

MULING pinagtibay ng TRABAHO Partylist ang kanilang pangako na tugunan ang mga sistematikong balakid na …

Para sa mga bomber TRABAHO Partylist, nanawagan ng mas mataas na sahod at maa

Para sa mga bombero
TRABAHO Partylist, nanawagan ng mas mataas na sahod at maayos na kondisyon sa trabaho

NGAYONG paggunita ng Fire Prevention Month sa buwan ng Marso, nanawagan ang TRABAHO Partylist para …

FPJ Panday Bayanihan partylist

Proteksiyon sa Frontliners hangad ng FPJ Panday Bayanihan partylist

ISUSULONG ng FPJ Panday Bayanihan partylist ang Good Samaritan Law upang tiyakin ang proteksiyon para …

TRABAHO Partylist

TRABAHO Partylist pabor sa mandatory 30% local output para sa PH-made vehicles

IDINEKLARA ng TRABAHO Partylist ang kanilang suporta sa iminungkahing magkaroon ng mandatory 30% local output …

Arra Corpuz WuNa Team Philippines

WuNa Team Philippines kumolekta ng 45 golds sa Hong Kong wushu tourney

Tila nasa alapaap pa rin ang Wushu Arena Quezon City (WuNa Team Philippines) matapos mapanalunan …