HATAW! D'yaryo ng Bayan hatawtabloid.com
SHOWBIZ KONEK
ni Maricris Valdez Nicasio
GINULANTANG kami ng post ni Ogie Diaz kahapon sa kanyang Facebook account. Ito iyong mga picture ng babaeng bugbog-sarado.
Sa pag-repost ng content creator at host na si Papa O, nalaman naming ang vlogger at influencer na si Jellie Aw ang babaeng duguan at basag ang mukha.
Ani Papa O, “Grabe! Buti na lang, nawalan ng laman ang RFID, kaya nakahingi ng tulong si Ate sa toll gate teller.
“Ayoko namang mag-judge, pero Jam Ignacio, harapin mo ito. O, doon sa mga women’s rights advocates nating mga tumatakbo diyan, baka pwede n’yong matulungan si ate. Eto na ang right timing na hinihintay n’yo.
Hinamon din ni Papa O ang ex-boyfriend ni Karla Estrada na si Jam Ignacio na harapin ang ginawang pambubugbog umano kay Jellie
Sa Facebook status ng kapatid ni Jellie na si Jo Aw ibinahagi ang matinding sinapit ng kapatid na vlogger at DJ.
Basag ang mukha ni Jellie matapos umanong bugbugin ng kanyang fiancé na si Jam.
Sa FB post ni Jellie ipinakita rin ang mga picture niyang duguan at bugbog-saradong mukha niya.
Caption ni Jellie, “HAPPY VALENTINES? taena mo Jam Ignacio mapapatay mo ko wala akong ginawang masama para ganituhin moko. Halos mamatay ako sa ginawa mo! papakulong kita!”
Sa post naman ng kapatid ni Jellie na si Jo makikita ang iba pang pictures ng una na halos pikit na ang mata at putok ang bibig dahil sa mga sugat sa mukha.
Caption ni Jo, “BIGLA NA LANG PINAG SASAPAK, BINUGBOG HABANG PAUWI ATE KO, WALANG KALABAN LABAN SA LOOB NG NAKALOCK NA SASAKYAN.
“Una sa lahat kung ano man ginawa ng ate ko wala kang ni anong karapatan dampian ng kamay yung ate ko. ang kapal naman ng mukha mo JAM IGNACIO.
“Ni hindi makahingi ng tulong ate ko dahil kunuha mo yung cellphone, Buti na lang hindi nabasa yung RFID sa toll at nakasigaw yung ate ko pag baba ng bintana at nakahingi ng tulong sa TELLER sa toll gate, ngayon tinakbuhan mo yung mga pulis!
“Wala kang awa!! Demonyo!
“Update po kay ate magpapamedical na kami ngayon !nd magrereport na sa pulis!”
Wala pa namang pahayag si Jam ukol sa pangyayaring ito habang isinusulat namin ito.
