Mark pinanindigan walang masama pagsasayaw sa gay bar

HINDI natinag ng mga basher at intriga si Mark Herras matapos mag-perform sa gay bar noong January 10. Kahit ang dating manager na si Lolit Solis ay nagpahayag ng pagkademasya sa naging desisyon ng dating alaga samantalang ang iba naman ay naawa sa aktor.

Deadma lang si Mark at tuloy ang repeat performance niya noong Friday ng gabi sa pareho ring gay bar. Masaya naman ang may-ari ng bar dahil napuno na naman ito ng customer.

Umaasa pa rin naman ang mga tagahanga ni Mark na sana raw ay maisip ng kanyang network na bigyan siya muli ng proyekto para raw hindi na ito umabot sa ganitong kalagayan na sa kawalan ng raket ay pinapatulan ang sumayaw sa isang gay bar.

Wala naman daw masama sa pag-perform, pero hindi gusto ng iba niyang faney na sa ganitong venue umabot ang kauna-unahang Male Startruck Survivor. Malayo sa naabot na ng mga kasabayang sina Jennylyn Mercado, Yasmien Kurdi, Cristine Reyes at iba pa.