Daniel supalpal daw sa acting ni Anthony

MA at PA
ni Rommel Placente

SA isa sa mga episode ng Showbiz Update nina Ogie Diaz,Mama Loi, at Dyosa  Pockoh, napag-usapan nila ang seryeng Incognito.

Parehas na kasama sa lead casts ng teleserye sina Anthony Jennings at Daniel Padilla.

Sabi ni Papa O, may mga netizen daw na umano’y ikinukompara ang husay ng dalawa pagdating sa acting.

“Ewan ko ba bakit ‘yung ibang fans talagang ikino-compare pa si Daniel kay Anthony Jennings,” saad ni Ogie.

Kasunod nito ay ang pagbasa nila ng Facebook post ng isang entertainment page na Showbiz Broadcast.

“Napansin ng netizens na supalpal si Daniel Padilla ‘pag kasama si Anthony Jennings dahil mas magaling itong umarte kaysa kanya.

“Saad pa ng isa, nagkaroon man ng cheating issue si Anthony ay hindi pa rin maitatago ang galing nito sa pag-arte kaya patuloy na kinagigilawan ng mga manonood.” 

Chika naman ni Ogie, “Ako mismo magsasabi, hindi totoo ‘yan. Walang sapawang naganap. Iba ‘yong kaguwapuhan ni Anthony Jennings sa kaguwapuhan naman ni Daniel Padilla.”

“Alam mo pinaka-paborito ko kay Daniel? Ilong napakaganda ng ilong. Parang nililok,” dugtong pa niya.

Kaya naman nakiusap na rin ang talent manager na huwag nang ikompara ang dalawa sa isa’t isa.

“Ang importante talagang engaging ‘yong fans pagdating sa ‘Incognito.’ Talagang napakaraming nanonood,” sey pa ni Ogie.