Jean ‘di pabor pagsamahin babae at transgender sa isang beauty pageant

RATED R
ni Rommel Gonzales

DATING beauty queen si Jean Saburit, (Binibining Pilipinas-Young 1975)  kaya tinanong namin kung ano ang opinyon niya sa ilang beauty pageants ngayon na pinapayagang sumali ang mga may asawa at anak, transgender women, at may edad na.

“I’m against it. They can have their own. I’m not, you know, natutuwa nga ako sa mga…nanoood nga ako ng mga Miss Gay, nagiging judge ako ng Miss Gay Philippines eh.”

Pero hindi siya pabor na pagsamahin sa iisang pageant ang mga tunay na babae at transgender o transsexual.

“Kasi maiiba ‘yung category.

“Dapat may kanya-kanya silang pageant. They should have their own.

“I don’t mind supporting them, I mean you know, but then, hindi naman ‘yung paghaluin kasi parang nakaka…paano iyan, ‘di ba?”

Gumaganap si Jean sa Prinsesa Ng City Jail bilang si Sonya.

Bida sa GMA Afternoon Prime series ang Sparkle loveteam na sina Sofia Pablo bilang Princess at Allen Ansay bilang Xavier.

Nasa serye rin sina Dominic Ochoa bilang Raymond, Denise Laurel bilang Divina, at Beauty Gonzalez bilang Sharlene.

Kasama rin nila sina Ayen Munji-Laurel bilang Leilani, Keempee De Leon bilang Dado, Ina Feleo bilang Jenny, at sina Will Ashley bilang Onse, Radson Flores bilang Justin, Pauline Mendoza bilang Mimi, at Lauren King bilang Libby.

Ang Prinsesa Ng City Jail ay idinirehe ni Jerry Lopez Sineneng at napapanood mula Lunes hanggang Biyernes, 3:20 p.m. at abroad via GMA Pinoy TV.