Friday , April 18 2025

Philippine Natural Gas Industry Development Act
SEGURIDAD SA ENERHIYA, PROTEKSIYON vs MATAAS NA PRESYO NG KORYENTE

110724 Hataw Frontpage

SINABI ni Senador Pia Cayetano, chairperson ng Senate committee on energy, ang Senate Bill (SB) 2793, o ang panukalang Philippine Natural Gas Industry Development Act na inaprobahan sa ikalawang pagbasa nitong Martes ay magtataguyod ng seguridad sa enerhiya at magpoprotekta sa mga konsumer laban sa mas mataas na presyo ng koryente.

“Let us prioritize indigenous natural gas; this is ours. It will promote energy security and the record shows that it has by far more stable in pricing and lower in pricing,” pahayag ni Cayetano.

“We have the potential to explore, to discover and to develop our indigenous natural gas. Why are they (investors) not coming in? Because since the ‘70s, we neglected investing and encouraging promotion of indigenous natural gas. After Malampaya was discovered, wala na. Pinabayaan na natin,” malungkot na pahayag ni Cayetano.

Iginiit ni Cayetano, ang Senado ang may “once-in-a-lifetime chance” na maipasa ang isang mahalagang batas na nagbibigay-prayoridad sa indigenous fuel kaysa mga inaangkat at idinagdag na sa loob ng 14 taon ang presyo ng indigenous gas ay nanatiling matatag kompara sa pabago-bago at madalas na tumataas na presyo ng mga inaangkat na gasolina.

Sa deliberasyon sa plenaryo, tinutulan ni Cayetano ang pagbabago sa SB 2793 hinggil sa competitive bidding na nagsasabing ito ay kontra-produktibo at magtataboy sa mga potensiyal na mamumuhunan na nagnanais paunlarin ang mga indigenous gas field ng bansa. 

Aniya, sumasalungat ito sa layunin ng panukala na lumikha ng isang investor-friendly industry sa natural gas na maatatagpuan sa Filipinas.

Ang amendment ay natalo ng 15-4.

Binigyang-diin ng senador na kahit ang mga kasunduan sa pagbili at suplay ng gas ay pinag-uusapan, tinitiyak ng Department of Energy (DOE) at Energy Regulatory Commission (ERC) na ang mga konsumer ay protektado mula sa mataas na presyo ng koryente.

               “There are strict provisions on market pricing in the service contracts that the DOE and ERC are duty-bound to uphold. They are in place…This bill (SB 2793) essentially maintains the status quo,” wika ni Cayetano, idinagdag na ang dalawang ahensiya, kasama ang Philippine Competition Commission (PCC) ay nagtitiyak ng transparent na negosasyon at pakikitungo.

Ang pagbibigay-prayoridad sa industriya ng indigenous natural gas, aniya, ay nangangahulugan ng pagsuporta sa pamamagitan ng mga itinatag na check and balance, kabilang ang mga itinakda sa Consumer Welfare Act.

“This is a unique opportunity to promote indigenous natural gas, which is cheaper, cleaner, and serves as a transition fuel as the Philippines shifts towards renewable energy. We encourage the shift to natural gas, whether imported or local, but prioritize indigenous sources for enhanced energy security and price stability,” ani Cayetano. (NIÑO ACLAN)

About Niño Aclan

Check Also

Tour of Luzon The Great Revival a complete package

Tour of Luzon ‘The Great Revival’ a complete package

Ang Tour of Luzon a complete package ng isang multi-stage race sa pagbabalik ng kilalang …

Philippine Aquatics Inc PAI Water Polo

PH Youth squads sasalang sa Malaysia Water Polo tilt

ANG Philippine Aquatics, Inc. (PAI) ay bumuo ng 30-man Philippine Junior Teams (lalaki at babae) …

PVL Rookie Draft 2025

Matapos ang Makapigil-hiningang Finals, PVL tumutok sa Rookie Draft Mode

KAMAKAILAN lang mula sa kapana-panabik na pagtatapos ng Premier Volleyball League (PVL) All-Filipino Conference Finals …

Sarah Discaya

Walang Katotohanan sa Umano’y Pang-aabuso sa PWD sa Pasig

ISANG residente ng Lungsod ng Pasig na lumahok sa pamamahagi ng bigas—kung saan na-interview ang …

Imelda Aguilar Dalia Varde Khattab

Pambato ng Las Piñas sa 2025 Binibining Pilipinas bumisita kay Mayor Aguilar

MALUGOD na tinanggap ni Mayor Imelda “Mel” Aguilar sa kanyang tanggapan ang 21-anyos Filipino-Egyptian actress …