Ruru hanggang pangako muna ng kasal kay Bianca

MA at PA
ni Rommel Placente

SABI ni Bianca Umali, nangako raw ng kasal sa kanya ang boyfriend na si Ruru Madrid. 

Kaya naman tinanong si Ruru sa guesting niya sa 24 Oras tungkol sa pangakong kasal niya kay Bianca.

Napangiti muna ang binata sabay sabing, “Simula naman noong unang beses kong nakasama’t nakilala si Bianca, pinangakuan ko na siya agad. Hanggang pangako lang muna tayo.”

At nang sundutin ng tanong kung kailan nga ba mangyayari ang promise niyang kasal kay Bianca, sagot  ni Ruru, “Malalaman natin ‘yan sa susunod na kabanata.”

Anim na taon nang tumatakbo ang relasyon nina Bianca at Ruru, at palagi nilang sinasabi sa mga interview nila na natagpuan na nila ang kanilang the one at forever at looking forward din sila sa kanilang magiging future together.

“Akala ko dati hindi totoo ‘yun. Pero noong dumating siya sa buhay ko, nakaramdam ako ng spark.

“Hindi ko ’yun naisip dati but ngayon, sobrang proud ako na ipagmalaki na ‘yun ‘yung nararamdaman ko para sa kanya,” aniya pa.