HATAW! D'yaryo ng Bayan hatawtabloid.com
NAKAMIT ni Ethan Joseph Parungao, iskolar ng Swim League Philippines, ang limang ginto at tatlong silver sa 2024 Asian Open Schools Invitation (AOSI) Short Course Age Group Swimming Championships.
Ang kompetisyon ay ginanap sa Bangkok, Thailand noong 17-19 Agosto 2024 at nilahukan ng mahigit 600 swimmers mula sa 14 bansa sa Asya.
Nasungkit ni Parungao ang medalyang ginto sa mga sumusunod na event sa kategoryang Boys – 8 years old; 50 SC Meter Freestyle may oras na 00:35.75; 100 SC Meter Freestyle, may oras na 01:22.21; 50 SC Meter Backstroke, may oras na 00:43.33; 50 SC Meter Butterfly, may oras na 00:40.86; 100 SC Meter Individual Medley, may oras na 01:33.10.
Pumangalawa si Parungao sa 50 SC Meter Breaststroke, may oras na 00:51.92; 100 SC Meter Butterfly, may oras na 01:32.59; at 100 SC Meter Backstroke, may oras na 01:34.38.
Nagsimula ang karera ni Parungao sa paglangoy isang taon na ang nakararaan sa ilalim ng paggabay ni Coach Zaldy Lara at Coach Emmanuel Oñate ng Swim Masters Swim Team. Isa si Parungao sa maraming iskolar na sinusuportahan ng Swim League Philippines.
