HATAW! D'yaryo ng Bayan hatawtabloid.com
KAHIT tapos na ang Global Game ng Houston Rockets at Indiana Pacers kagabi, tuloy pa rin ang aksyon ng pre-season ng NBA sa Asya.
Pagkatapos ng kanilang laro sa Maynila, tutungo ang dalawang koponan sa Taiwan para sa isa pang Global Game sa Linggo, Oktubre 13.
Isa sa mga pambato ng Rockets na si Jeremy Lin ay tubong-Taiwan.
Tutungo naman sa Tsina ang Los Angeles Lakers at Golden State Warriors para sa dalawang larong gagawin sa Beijing sa Oktubre 15 at sa Shanghai sa Oktubre 18.
Sasama si Kobe Bryant sa dalawang laro ng Lakers at Warriors ngunit hindi pa siya sigurado kung lalaro siya dahil nagpapagaling pa siya ng kanyang pilay.
Bumisita si Bryant sa Pilipinas noong Agosto para sa promo ng kanyang iniendorsong cellphone.
(James Ty III)
