Thursday , April 17 2025
Michael Mike Rama

Suspensiyon kinuwestiyon  
HUSTISYA IGINIIT NI RAMA

“HUSTISYA!”

Ito ang panawagan ni suspended Cebu City Mayor Michael “Mike” Rama ukol sa kasong isinampa sa kanya na aniya’y walang sapat na basehan at hanggang ngayon ay wala pang aksiyon ang pamahalaan.

Nagtataka si Rama, dahil sa kabila na siya ay inakusahan at naglabas ng kautusan ang Korte na siya ay suspendehin, ay wala umano siyang natatanggap at nakukuhang kopya ng reklamo at desisyon.

Iginiit ni Rama na ilang beses nang nagtangkang kumuha ng kopya ng reklamo at desisyon ang kanyang mga abogado sa mismong tanggapan ng Ombudsman sa Maynila at sa kanilang rehiyon ngunit walang naibibigay na kopya para sa kanila.

“Mukhang ako lang yata ang inakusahan na hindi man lamang alam at maliwanag na hindi batid ang akusasyon at ang desisyon laban sa akin lalo na’t ilang buwan na ang nakalilipas buhat nang maglabas ng desisyon na ako ay sinuspende,” ani Rama.

Kaugnay nito, nanawagan si Rama sa mga tulad niyang politiko na biktima ng kawalan ng hustisya sa bansa na magsama-sama upang magsampa ng law suit para papanagutin ang nasa likod ng kawalan ng hustisya laban sa kanila.

Tumanggi si Rama na direktang sabihin na siya ay isa sa mga biktima ng ‘political persecution’ ngunit base sa kanyang karanasan ay tila biktima nga siya.

Si Rama ay kaalyado ni dating Pangulong Rodrigo Duterte at matapos na dumalo sa pagtitipon ng mga Duterte sa prayer rally sa Davao ay lumabas ang desisyon ng Ombudsman na anim-na-buwang preventive suspension dahil sa hindi pagpapasuweldo sa ilang mga empleyado ng Cebu City.

Ayaw iugnay ni Rama ang pakikipag-alyado niya sa mga Duterte ngunit umaasa siya na makakamit ang hustisya sa huli.

Tiniyak ni Rama na gagawin lahat ng kanyang legal team upang mapawalang sala sa akusasyon laban sa kanya.

Samantala, handang sundin ni Rama ang naging desisyon ng League of Cities of the Philippines (LCP) na italaga muna si Quezon City Mayor Joy Belmonte kasalukuyang Vice President ng LCP na maging acting president hangga’t siya ay suspendido.

Ayon kay Rama handa siyang i-turnover ang lahat kay Belmonte, mga dokumento at pananalapi ng samahan.

Walang balak si Rama na kuwestiyonin ang naging desisyon ng National Executive Board ng LCP dahil ayaw na niyang dumagdag sa maraming problema ng bayan na mas higit na dapat harapin para sa mga mamamayan.

Aminado si Rama na ang desisyon ng LCP ay nakatulong upang higit niyang mabigyan ng panahon ang kasong inihain laban sa kanya.

Kaugnay nito, tiniyak ni Rama na handa siyang tumakbo sa 2025 national at local elections at maghahain siya ng kanyang certificate of candidacy (COC) ngayong Oktubre.

Sa huli, sinabi ni Rama na kanyang kokonsultahin ang kanyang mga mamamayan sa Cebu City kung gusto pa ba nila siya ay manungkulan bilang mayor ng Cebu o kailangan na niyang magpahinga.

Ang resulta nito ay maaaring maging hudyat para tumakbo siya sa mas mataas na puwesto at ito ay ang pagiging senador. 

Sa kasalukuyan, ayaw pa itong pag-usapan ni Rama dahil lubhang maaga pa umano at ang nais niyang tutukan ang kaso na isinampa laban sa kanya. (NIÑO ACLAN)

About Niño Aclan

Check Also

Tour of Luzon The Great Revival a complete package

Tour of Luzon ‘The Great Revival’ a complete package

Ang Tour of Luzon a complete package ng isang multi-stage race sa pagbabalik ng kilalang …

Philippine Aquatics Inc PAI Water Polo

PH Youth squads sasalang sa Malaysia Water Polo tilt

ANG Philippine Aquatics, Inc. (PAI) ay bumuo ng 30-man Philippine Junior Teams (lalaki at babae) …

PVL Rookie Draft 2025

Matapos ang Makapigil-hiningang Finals, PVL tumutok sa Rookie Draft Mode

KAMAKAILAN lang mula sa kapana-panabik na pagtatapos ng Premier Volleyball League (PVL) All-Filipino Conference Finals …

Sarah Discaya

Walang Katotohanan sa Umano’y Pang-aabuso sa PWD sa Pasig

ISANG residente ng Lungsod ng Pasig na lumahok sa pamamahagi ng bigas—kung saan na-interview ang …

Imelda Aguilar Dalia Varde Khattab

Pambato ng Las Piñas sa 2025 Binibining Pilipinas bumisita kay Mayor Aguilar

MALUGOD na tinanggap ni Mayor Imelda “Mel” Aguilar sa kanyang tanggapan ang 21-anyos Filipino-Egyptian actress …