HATAW! D'yaryo ng Bayan hatawtabloid.com
ALAM MO NA!
ni Nonie Nicasio
ANG newbie sexy actress na si Skye Gonzaga ay isa sa aabangang artists sa mga project ng Vivamax.
Palaban sa pagpapa-sexy ang alagang ito ni Lito de Guzman. Siya ay 21 years old at sa vital statistics niyang 34-24-36, swak na swak siyang sumabak sa mga sexy films.
Sa taglay na ganda at kaseksihan ng dalaga, siya ang tipo ng babaeng hahanap-hanapin at aasamin ng mga barako na makapiling sa kanilang panaginip, gabi-gabi.
Pero hindi lang sa pagpapa-sexy maaasahan si Sky, siya ay may talento rin sa pagiging DJ, kaya’t binigyan din siya ng kontrata bilang official DJ artist sa ilalim ng Viva Artist Talent Management.
Hindi lang galing sa pagsasalita kundi husay sa pag-arte ang handa niyang ipakita sa Vivamax. Abangan ang kanyang pelikulang “Baliskat” at “Ang Pintor at ang Paraluman”.
Ano ang masasabi niya sa kanyang manager na si Lito? “Okay naman po, mabait siya sa akin,” masayang pakli ni Skye.
Kailan siya nag-start mag-showbiz?
Tugon ni Skye, “About two months na po, bago pa lang po ako sa showbiz but naka-dalawang movies na ako.”
Aniya pa, “Hindi pa po ipinalalabas iyong nagawa kong movies. Ang title po ay ang Ang Pintor at ang Paraluman, pangalawang movie ko po is Baliskat.”
Ano ang role niya sa movies na iyan and sino ang casts?
“Unang movie ko is supporting role po ako then pangalawa ay lead po. Sina Ali Asistio ang kasama ko at ‘yung pangalawa ay si Apple Dy naman po ang isa sa casts.”
Ano ang ibig sabihin ng Baliskat? “Hindi ko po alam ang ibig sabihin ng Baliskat,” matipid na sagot ni Skye.
Pagdating sa limitations niya sa paghuhubad o pagpapa-sexy, depende raw ito sa project at kung kailangan ba talaga sa ginagawa nilang pelikula.
Gaano siya ka-sexy rito sa mga pelikulang ito at gaano ka-hot ang love scenes na ginawa niya?
Esplika ni Skye, “Super-sexy po, super-sexy po as in lahat napakita ko po, pero naka-plaster naman ako. May kissing-scenes din ako rito sa kapwa ko babae at love scenes.”
Nang usisain namin ang kanyang showbiz crush, medyo naintriga kami sa sagot niya. Hindi lang kasi lalaki ito, mayroon ding aktres.
Pahayag ng sexy newcomer, “Sa lalaki is si Coco Martin, sa babae naman ay si Lovi Poe ang crush ko po.”
Bakit sila?
Sambit ni Skye, “Kasi po, magaling si Coco sa mga movies niya, madadala talaga ang mga tao sa husay niya. Si Lovi Poe naman, super hot and sexy niya sa mga movies na ginagawa niya.”
May babae siyang showbiz crush, hindi ba siya nag-aalalang baka intrigahin o mapagkamalan siyang bisexual?
“Hindi po ako bi, hahaha!” Nakatawang wika ni Skye.
