ITINULAK ng pangulo ng Marikina Chess Federation na si Johnny “Joel” Gaudia (kaliwa) at Isagani De Ramos ng Barangka Chess Club ay ang ceremonial moves bilang hudyat ng pagbubukas ng 1-day chess tournament na ginanap nitong nakaraang Sabado, 6 Hulyo 2024, sa Barangka, Marikina City. (MB)

Cervero naghari sa Marikina chess tournament

Marlon Bernardino July 8, 2024 Chess, Other Sports, Sports

Marikina City — Naghari si Tristan Jared Cervero, isa sa mga nangungunang manlalaro ng Ateneo de Manila University chess team sa Barangka Chess Club tournament na ginanap nitong nakaraang Sabado, 6 Hulyo 2024, sa Barangka, Marikina City.

Nasungkit ni Cervero ang titulo ng face to face tournament tilt na inorganisa nina Restie Roxas at Isagani De Ramos ng Barangka Chess Club sa pakikipagtulungan ni Marikina Chess Federation president Johnny “Joel” Gaudia matapos irehistro ang pinakamataas na output ng perpektong 7.0 puntos.

Pumangalawa si Jonathan Trajano na may 6.0 puntos, kasunod ang solong pangatlo na si Clord Bragais na may 5.5 puntos, habang sina Felix Julius Caesar, James Joshua Padua, Lord James Malveda, Light Maranan, at John Khedev Argarin ay omokupa sa pang-apat hanggang siyam na puwesto na may tig-5.0 puntos. Si John Khedev Argarin ay nagtapos ng solong ika-sampu na may 4.5 puntos.

Ang nahusgahang mga nanalo sa kategorya ay sina Jan Michael Ellar Jr. (Top Junior), Llewelyn Aries Alan (Top Female) at John Deaniel Basiya (Top Kiddie). MARLON BERNARDINO