HATAW! D'yaryo ng Bayan hatawtabloid.com
NAKAKULONG ngayon sa senado si dating Philippine Drug Enforcement Agency (PDEA) agent Jonathan Morales matapos mag-move si Senador Jinggoy Estrada ng “cite of contempt” laban sa una.
Ayon kay Estrada, ang patuloy na pagsisinungaling ni Morales ang dahilan kung bakit siya nagmosyon.
Naniniwala si Estrada na hindi nagsasabi ng buong katotohanan si Morales sa simula pa lamang ng mga nakaraang pagdinig hanggang sa huli.
Matapos ang mosyon ni Estrada at walang tumutol sa mga miyembro ng Senate committee on public order and dangerous drugs na pinumununan ni Senador Ronal “Bato” Dela Rosa ay agad inaksiyonan ang mosyon.
Dahil dito iniutos ni Dela Rosa pamunuan ng Sargent at Arms (OSSA) ang agarang pagkulong sa isa sa kuwarto ng senado na malapit sa parking lot ng mga VIP sa gusali ng senado.
Hindi batid kung hanggang kailan mananatiling nakakulong sa senado si Morales lalo na’t hindi rin batid kung kailan ang susunod na pagdinig. (NIÑO ACLAN)
