KathDen movie pang-MMFF 2024 ng Star Cinema 

I-FLEX
ni Jun Nardo

KILIG vibes ang hatid ng sweetness nina Kathryn Bernardo at Alden Richards nang dumalo ang huli sa post birthday celebration nito.

May dala pang flowers at gift si Alden nang pumunta sa celebration at nakuhan ang pagyakap nila sa isa’t isa na nag-viral.

Dumalo rin si Alden sa unang celebration ni Kath sa Palawan. Then, heto na nga ang kasunod na mas kinakiligan ng fans.

Umugong tuloy na gagawin na nina Kath at Alden ang sequel ng movie nilang nagawa, ang blockbuster na Hello, Love, Goodbye.

Under Star Cinema pa rin daw ito at same director. Eh dahil may sarili ng film productions at nariyan na rin ang GMA Pictures, malamang na sumosyo na rin ang mga ito kung sakaling matuloy ang project.

Tutal naman, wala nang Daniel Padilla si Kathryn na umano’y pumigil na gawin niya angs sequel noong may relasyon pa sila, huh!

Balitang ang Kathryn-Alden movie ang isasali ng Star Cinema sa 50th year ng Metro Manila Film Festival.