HATAW! D'yaryo ng Bayan hatawtabloid.com
I-FLEX
ni Jun Nardo
MATINDING bakbakan sa noontime shows ang magaganap sa Sabado, Abril 6.
Tulad ng napabalita, sa dalawang platforms –GMA at GNTV – na mapapanood ang It’s Showtime at nataon pang birthday presentation ng episode ni Vice Ganda.
Bago pa man sumapit ang nasabing petsa, aba, biglang lumutang ang pagbabalik ni Willie Revillame at ng show niyang Wowowin sa TV. At sa TV5 nga ito ipalalabas gaya ng umugong na balita.
Ang twist nga lang ng umano’y balik-TV ni Willie, makaka-back to back ng shows niya ang Eat Bulaga, huh.
Totoo man o fake ang balitang ito, hindi rin patitinag ang TV5 sa magaganap na bakbakan sa noontime sa April 6, lalo na’t poste na sa tanghali sina Tito, Vic and Joey, huh!
