I-FLEX
ni Jun Nardo
UMANI ng papuri ang matinding performance ng Sparkle actor na si Royce Cabrera sa mapapanood na episode sa GMA Public Affairs afternoon drama na Makiling.
Member ng grupong Crazy 5 si Royce na umaapi sa bidang si Elle Villanueva. Eh sa back story niya, mayroon pala siyang naging problema sa relatives at noong humingi ng tulong sa kanila eh tinalikuran si Royce.
Ilan sa co-stars ni Royce sa series ang pumuri sa kanya gaya ni Mon Confiado na sinabing gifted actor si Royce.
“Napakahusay niya. Carried away kami sa performance niya,“ sabi naman ni Andrea del Rosario.
Siyempre pa, nakikinig kasi si Royce sa instructions at guidance sa director ng series na si Conrado Peru.
