Kapuso stars paiinitin love month sa Negros

RATED R
ni Rommel Gonzales

SAGOT na ng GMA Regional TV ang maagang selebrasyon ng Valentine’s Day ng mga taga-Negros Occidental dahil lilipad ang ilang Kapuso stars para mag-spread ng love at sumama sa masasayang festivities. 

Tiyak good vibes ang dapat asahan ng mga Kapusong Bacolodnon dahil makikisaya sa makulay na selebrasyon ng Bacolaodiat Festival 2024 sina Kapuso stars Jon Lucas, Jeric Gonzales, Klea Pineda, at Boobay. 

Abangan sila sa Sabado (February 10), 8:00 p.m. sa Main Stage North Capitol Road, Bacolod City, Negros Occidental.

Time-out din muna sa revenge at drama ang Makiling stars na sina Elle Villanueva, Derrick Monasterio, at Teejay Marquez dahil magpapakilig muna sila sa 11th Dinagyaw sa Tablas Festivalkasama si Pokwang. Huwag palampasin ang kanilang inihandang performances at surprises sa Linggo, (February 11), 8:00 p.m. sa Candoni Sports Center, Candoni, Negros Occidental.

Siguradong walang Kapuso mula Negros Occidental ang malulumbay ngayong love month dahil sa mga inihandang sorpresa ng GMA Network para sa kanilang lahat.