Maricel ‘di na naghahanap ng makakasama sa buhay — I’m okay without a man

MA at PA
ni Rommel Placente

SA panayam ni Korina Sanchez kay Maricel Soriano para sa programa niyang Korina Interviews, natanong ang Diamond Star kung friends ba niya ang lahat ng naging karelasyon niya noon?

Ang mga naging boyfriend noon ni Maricel ay sina William Martinez, Richard Merk, Ronnie Rickets, at Cesar Jalosjos na   nagkaroon sila ng anak, si Sebastien, na ngayon ay 31 years old na. Naging asawa naman ni Maricel si Edu Manzano.

Tumango si Marya bilang oo sa tanong ni Korina, pero biglang natigilan at nag-dialogue ng, “Parang nagla-lie ako roon. Hindi. Hindi lahat.

“Isa lang, actually, ang hindi. Eh, hulaan niyo na lang kung sino. I cannot say the name.”

Paliwanag ni Maricel, “Pero majority of them okay ako sa lahat, except for one person.”

Hindi napilit ni Korina si Maricel na banggitin kung sino ang dating karelasyon na hindi niya naging kaibigan nang maghiwalay sila.

Siguradong hindi si Edu  ang tinutukoy ni Marya dahil hanggang ngayon ay friends pa rin sila kahit naghiwalay na. In fact, naging guest niya pa si Edu sa kanyang YouTube channel.

Hindi kaya si William ang tinutukoy ni Maricel? Napabalita kasi noon na dapat ay ang dating ka-loveteam ang kukuning kapareha ni Maria sa seryeng ginawa niya na General’s Daughter na pinagbidahan ni Angel Locsin, pero tinanggihan niya ito kaya si Albert Martinez na lang ang ibinigay na kapreha sa nasabing defunct series ng ABS-CBN.  

Galit nga ba si  Maricel kay WIlliam?

Sa ngayon after makipaghiwalay kay Edu ay hindi pa uit nakikipagrelasyon si Maria. Pero aniya, okay na ang buhay niya ngayon bilang single parent at hindi siya naghahanap ng bagong makakasama sa buhay.

“I’m okay because I’m okay. Without a man in my life, okay lang ako,” sey ng premyadong aktres.

“Wala akong panahon. Kasi gusto kong magtrabaho lang nang magtrabaho para sa mga anak ko naman,” aniya pa.