Jasmine palaban sa pinagbibidahang serye

RATED R
ni Rommel Gonzales

BUKOD sa drama at love story, puno rin ng action scenes ang GMA primetime series na Asawa ng Asawa Ko. 

Sa latest episode nito, ipinakita ang matinding training ni Cristy (Jasmine Curtis-Smith) bilang bagong miyembro ng rebeldeng grupo na “Kalasag.” Hindi rin maitago ni Leon (Joem Bascon) ang kanyang interes kay Cristy na pagmumulan naman ng inggit ng iba nilang kasamahan.

Tatanggapin na nga ba ni Cristy ang kanyang bagong buhay at pamilya na mga rebelde? Paano na ang naiwan niyang mister na si Jordan (Rayver Cruz)?