Xian at Jen excited sa new chapter ng kanilang buhay 

 SIMULA pa lang ay na-hook na ang mga Kapuso sa primetime series na Love. Die. Repeat. 

Pinagbibidahan ito nina Jennylyn Mercado bilang Angela at  Xian Lim bilang Bernard.

Komento ng ilang netizens sa GMA Drama Facebook page, “Very interesting ang story. Refreshing ang tandem nina Jennylyn at Xian. May chemistry silang dalawa! Can’t wait for the upcoming episodes. Buhay na buhay ang mga gabi namin!”

Sa episode noong January 31, masaya si Angela nang magpatuloy ang oras habang kasama niya si Bernard. Tuluyan na nga ba niyang nailigtas si Bernard at hindi na siya ma-i-stuck sa time loop? Ito na ba ang hinihintay na new chapter ni Angela?

Subaybayan  mula Lunes hanggang Biyernes, tuwing 8:50 p.m. sa GMA Prime, Pinoy Hits, at Kapuso Stream. May delayed telecast din ito sa GTV tuwing 10:50 p.m.