HATAW! D'yaryo ng Bayan hatawtabloid.com
PUSH NA’YAN
ni Ambet Nabus
IBA ang datingan ng Kampon entry.
Kung hindi mo tututukan ang mga detalye ng kuwento, baka maligaw ka at mapatili ng walang dahilan.
But seriously, this is not your typical horror movie na basta na lang nananakot. Tama ang sinabi ng producer na si Atty. Joji Alonzo na ipinakikita ng Metro Manila Film Festival entry ang ibang side ng “evil,” at kung paano nitong binabago ang ating pagtingin sa buhay.
Medyo nadidiliman lang kami sa ilang scenes (o baka hindi kami nakasalamin o sadyang luma na ang projector ng SM cinema hehehe). Though for arts reason, ganoon nga siguro ang hinihingi ng kuwento.
Bagay kay Beauty Gonzales ang horror genre. Mayroon siyang kakaibang nuances sa mga pag-react niya. And since originally ay si Kris Aquino ang dapat sa role niya, ini-imagine namin kung ganoon ang magiging atake nito and the answer is “better actress” si Beauty.
Sa mga naka-miss kay papa Derek Ramsay, well hindi kayo bibiguin ni papa D na either kaiinisan ninyo o mamahalin.
And yes, ‘yung si Erin Espiritu na bagets na sentro ng kuwento, naku, napakahusay na bata at alam niya ang kanyang ginagawa. Frontrunner siya sa pagka-Best Child Performer. Mukha siyang anghel pero matatakot ka.
