Star Center Talents pwedeng magtrabaho sa labas ng Net 25 – Direk Eric

MA at PA
ni Rommel Placente

IPINAKILALA na sa entertainment press kamakailan ang 32 talents ng Star Center ng NET25 na ang head ay ang aktor/direktor na si Eric Quizon.

“Kaya naitayo ‘yung Star Center is because, apart from building homegrown talents, mayroon kasing shows na gagawin na youth-oriented. So, we were thinking na since mahirap manghiram ng mga artista, l it’s better na mayroong sariling talents,” sabi ni Eric.

Maipagmamalaki ni Eric na salang-sala ang mga pinili nilang talents, na talaga namang talented.

“Hindi naman namin sila kukunin kung walang potential, because they went to auditions. At saka hindi lang isang audition ‘yun, callbacks, may proseso talaga. Hindi yung, ‘Uy, okay ‘to! Tanggap na ‘to.’ No. May dinaanan talagang proseso.”

Exclusive ang mga kabataan sa Star Center, pero hindi aniya exclusive artists ng NET25. Kaya pwedeng lumabas sa ibang network ang mga ito.

Kung may offer nga na makakasama ng mga ito ang mga artistang gaya nina Coco Martin, Dingdong Dantes, at Marian Rivera, ay bakit naman hindi nila papayagan.

“We allow them to work outside, because we want them to grow. Kasi kung magbibigay kami ng exclusivity, tapos wala naman kaming maibibigay din.

“However, may plano naman talaga kami gumawa ng shows para sa mga bata. Pero ang ano ko talaga, it’s better na they’ll grow better kung lalabas sila.”

Among their talents, may bubuuing loveteams ang Star Center.

“Kung sino sa kanila ‘yung sa tingin namin ay bagay na magka-loveteam, sila ang gagawin naming loveteam.”

Ang mga talents ng Star Center ay sina Aaron Gonzalez, Kanishia Santos, Jannah Madrid, Nate Reyes, Shira Tweg, Bo Bautista, Rachel Gabreza, David Racelis, Dana Davids, Yvan Castro, Sofi Fermazi, Nicky Gilbert, Ornella Brianna, Shanicka Arganda, Via Lorica, Zach Francisco, Tim Figueroa, Victoria Wood, Miyuki De Leon, Juan Atienza, John Heindrick, Marco Ramos, Gia Gonzales, Jam Aquino, Crissie Mathay, Gera Suarez, Celyn David, Arwen Cruz, Mischka Mathay, Patrick Roxas, Migs Pura, at Drei Arias.