16 sugatan sa karambola ng 3 bus sa Quezon
UMABOT sa 16 katao ang sugatan, karamihan ay mula sa Peñafrancia fiesta sa Bicol, makaraang magsalpukan ang tatlong bus sa bayan ng Tagkawayan sa lalawigan ng Quezon kamakalawa ng gabi.
Ang mga biktima ay lulan ng Manila-bound bus na bumangga sa dalawang roll-on roll-off bus na nakaparada sa Quirino Highway.
Sa inisyal na imbestigasyon, ang unang bus ay nag-overtake nang masalpok ang dalawang Ro-ro bus mula sa likod.
Nangyari ang insidente habang malakas ang buhos ng ulan.
(HNT)
