BIFF muling umatake sa North Cotabato

COTABATO CITY – Muling umatake ang hinihinalang mga miyembro ng Bangsamoro Islamic Freedom Fighters (BIFF) sa isa pang bayan ng North Cotabato kahapon, makaraang maghasik ng kaguluhan sa ilang barangay sa bayan ng Midsayap.

Ayon sa mga awtoridad, tinatayang 80 armadong kalalakihan ang sumalakay sa bayan ng Tulunan dakong 7 a.m. kahapon at dinahas ang mga security guard ng Del Monte Fruits at mga miyembro ng civilian volunteer organization sa Brgy. Dungos.

Tatlong gwardya ang nasugatan sa insidente.