HATAW! D'yaryo ng Bayan hatawtabloid.com
ALAM MO NA! ni Nonie Nicasio
MGA katawang nagkikiskisan. Mga pusong magbabanggaan. May pag-asa ba ang pagmamahalan ng isang playgirl at isang lalaking nakatali na?
Mula sa direksiyon ni Topel Lee, ipakikita ng pelikulang “Tayuan” ang kuwento nina Ella (Angeli Khang) at Rico (Chester Grecia) na mag-uumpisa sa isang bus.
Si Ella ay isang events project manager. Dahil hindi siya maka-book ng masasakyan, mapipilitan itong sumakay ng pampasaherong bus. Dikit-dikit at tayuan na ang mga pasahero dito at habang nakasiksik ang katawan ni Ella sa konduktor na si Rico, hindi mapigilang mag-init ang dalawa.
Hindi makalimutan ni Ella ang pakiramdam niyang iyon at hinahanap-hanap na niya si Rico. Kahit nang malaman niyang may asawa’t anak na siya bale-wala ito sa kanya. Ang gusto lang naman niya ay casual hookup at hindi commitment. Sa katunayan, sumisiping sa iba’t-ibang lalaki si Ella. Ngayon, si Rico ang gusto niya at hindi siya titigil hanggang makuha niya ito.
Dating babaero si Rico, pero nang mabuntis niya ang kanyang girlfriend, pinakasalan niya ito at nangakong iiwas sa temptasyon. Pero kahit anong iwas niya, hindi siya tuluyang makalayo kay Ella. At nang bumigay na siya sa gusto ng dalaga, mas napaligaya siya nito kumpara sa kanyang asawa.
Ang hindi nila inaasahan ay ang mahulog ang damdamin sa isa’t isa. Kung hindi pa sila tumigil, siguradong mayroong masasaktan. Pero kaya ba nilang talikuran ang isa’t isa?
Patutunayan na naman ni Angeli kung bakit isa siya sa pinaka-kinahuhumalingang artista sa Vivamax, lalo na sa dami ng sexy scenes nila ni Chester.
Kasama sa pelikulang “Tayuan” sina Stephanie Raz bilang si Bing (asawa ni Rico), Rash Flores bilang Nigel (kaibigan at kumpare ni Rico), Francine Garcia bilang Mags (best friend ni Ella), at PJ Rosario bilang Harold (first love ni Ella).
Mapapanood ang “Tayuan” simula June 23, 2023. Punta na sa web.vivamax.net. Maaari ring mai-download ang app at mag-subscribe sa Google Play Store, App Store, at Huawei App Gallery.
Para makapagbayad gamit ang website, maaaring pumili sa EC Pay, 7 Eleven, All Day, All Day, Pay Mongo, GrabPay, GCash, or PayMaya. Para makapagbayad gamit ang app, maaaring pumili sa Globe, Smart, GCash, Paypal, Visa, or Mastercard.
