Ako Si Ninoy premiere night SRO

MATABIL
ni John Fontanilla

VERY successful ang naganap na premiere night ng inaabangan at controversial movie na Ako Si Ninoy na ginanap sa Rockwell Cinema last Saturday, February 18 na tumatalakay sa ilang bahagi ng buhay ni dating Senator Ninoy Aquino.

Punompuno at standing room only ang Cinema 7 ng Power Plant Mall Sa Rockwell Center, Makati City.

Ang Ako Si Ninoy ay pinagbibidahan nina JK Labajo nbilang si dating Sen Ninoy Aquino, Sara Holmes bilang dating Pangulong Cory Aquino. Napakagaling ni JK bilang si Ninoy at very convincing ang portrayal ni Sara bilang si Cory. Standout din ang performances nina  Cassy Legaspi, Joaquin Domagoso, John Re Rivas, Nicole Laurel, Sarah Javier, Marlo Mortel, Lovely Rivero, Pinky Amador, Donita Nose, Brylle Mondejar, Sharmaine Suarez, Tueday Vargas atbp. hatid ng Philstagers Films sa direksiyon ni Vince Tañada.

Nag-enjoy kami sa kabuuan ng pelikula na bukod sa istorya ni Sen. Ninoy ay maganda din ang bawat istorya ng 11 fictional characters na sumisimbolo sa iba’t ibang sektor sa lipunan na inire-represent ang pagiging isang Ninoy Aquino.

Mula kina Noli, Ivy, Ms Nunez, Oscar, Yosef, Andeng, Quenin, Dr. Ungria, Ingrid, Nanding, at Orborne. Habang naibigan naman namin ang mga ginamit na kanta sa movie lalong-lalo na ang very touching na pagkakanta ni JK ng Buwan na halos karamihan ay ‘di naiwasang maluha.

Kaya naman sa husay na ipinamalas ni JK sa Ako Si Ninoy ay hindi malabong humakot ng best actor nomination manalo pa sa mga award giving bodies sa susunod na taon.

Napakaganda ng pelikulang Ako Si  Pinoy, mahuhusay ang mga artista at kapupulutan ng aral. Kaya naman karapat-dapat na panoorin simula February 22 sa mga sinehan nationwide.