HATAW! D'yaryo ng Bayan hatawtabloid.com
ISA sa mga league top scorer si Juneric Baloria kilala rin bilang clutch shooter
Tumitikada ng mahahalagang puntos si Baloria kapag nangangailangan ang kanyang koponan kagaya nang ipanalo niya ang Perpetual Help Altas ng dalawang sunod sa huling dalawang laro nila.
Si Baloria ang nanguna nang gibain ng Altas ang College of Saint Benilde Blazers, 68-64 at pagkatapos ang Jose Rizal University Heavy Bombers, 64-61 sa 89th NCAA basketball tournament.
Dahil sa ipinakitang kagitingan ni Baloria hindi nagdalawang isip ang grupo ng mga sports scribes na galing sa national broadsheets, tabloids at online publications na ibigay sa kanya ang ACCEL/3XVI NCAA Press Corps Player of the Week na sinuportahan ng Gatorade.
Una’y kumana ng 18 puntos si Baloria bago ang 32 puntos nito kontra Jose Rizal upang ilagay ang Las Pinas-based school Perpetual sa third spot na may 10-3 slate, kalahating laro ang agwat sa league leaders San Beda at Letran na parehong may record na 10-2.
Ayon kay Baloria na may average na 23 points per game, dahil sa tiwala at kompiyansa na ibinibigay sa kanya ni coach Aric Del Rosario kaya gumaganda ang kanyang laro.
(ARABELA PRINCESS DAWA)
