HATAW! D'yaryo ng Bayan hatawtabloid.com
SI Matteo Guidicelli ang kapareha ni Andi Eigenmann sa Galema… Anak ni Zuma na mapapanood na sa Setyembre 30 sa Kapamilya Gold ng ABS-CBN 2. Hindi ito ang unang pagkakataon na nagtambal ang dalawa.
Una silang nagkatrabaho three years ago sa Agua Bendita na bida rin si Andi. Happy si Matteo na nabigyan siya uli ng chance na makatrabaho si Andi.
“Unang-una po, it’s such a blessing. Gumawa kami ng ‘Agua Bendita’
three years ago so matagal kaming hindi nagkasama ni Andi sa work. Parang we’ve got through so much in three years, a lot of things. So this time around kumbaga magwo-work kami parang iba na, it’s been very different dahil nag-mature na talaga kami. Marami kaming pinagdaanan sa buhay, ganoon. So this time around it’s gonna be different, you know, more meaningful,” sabi ni Matteo.
Samantala, nilinaw ni Matteo na hindi niya nililigawan ang nali-link sa kanya ngayon na si Sarah Geronimo.
“We’re jus friends. That’s it,” sabi ni Matteo.
Ang ex-girlfriend ni Matteo na si Maja Salvador ay may bago nang karelasyon sa katauhan ni Gerald Anderson. Si Matteo ay nananatili pa ring single.
“I miss having a girlfriend, to be taken cared of, but I know, it will
come,” sambit pa ng actor.
Acting ni Rayver, lalong nag-improve sa Bukas Na Lang Kita Mamahalin
WALA nang nagulat nang umamin sina Derek Ramsay at Cristine Reyes na may relasyon sila. Noon pa kasi ay alam na ng lahat na talagang sila na, ayaw lang nilang umamin.
Mag-on pa kasi noon sina Cristine at Rayver Cruz ay nali-link na ang dalawa. Madalas kasi silang nakikita na nagde-date. Pero kapag tinatanong sila kung may relasyon sila, ang lagi nilang sagot ay magkaibigan lang sila.
Hanggang mag-break sina Cristine at Rayver at si Derek ang sinasabing dahilan.
Pero ayon sa ex-lovers, walang third party sa hiwalayan nila.
Pero ngayon ngang umamin na sina Derek at Cristine na may relasyon sila, iisa lang talaga ang ibig sabihin nito na noon pa ay talagang mag-on na sila, ‘di ba?
Hindi nga lang nila maamin ‘yun dahil that time ay committed pa si Cristine kay Rayver. At para hindi rin masabihan na nagtaksil si Cristine at nang-agaw naman si Derek, ‘di ba? Pero ganoon pa rin naman ang iisipin ng mga tao, sa totoo lang.
Pero ang maganda kay Rayver, hindi siya nagsasalita ng laban kay
Cristine. Naroon pa rin ang pagrespeto niya sa taong minsan ay minahal niya.
Speaking of Rayver, napapanood siya sa top-rating series ng ABS-CBN 2 na Bukas Na Lang Kita Mamahalinbilang anak nina Dina Bonnevie at Tonton Guttierez at kontrabida sa relasyong Gerald Anderson at Cristine. In fairness, ang husay sa serye ni Rayver huh! Maiinis ka talaga sa kanya. Tama nga ‘yung sinabi noon ni Cristine during the presscon ng said series na malaki na ang improvement ng ex-bf in terms of acting.
Rommel Placente
