Arjo, pangarap magkaroon ng primetime teleserye

MORE than four weeks na ang naging extension ng hit teleserye ng ABS-CBN, ang Dugong Buhay na pinagbibidahan ng mahuhusay na batang actor na sina Arjo Ataydeat Ejay Falcon kaya naman labis-labis ang kasiyahan nila.

Hindi nga raw nito inaakalang magiging matagumpay at big hit ang Dugong Buhay ditto sa ating bansa gayundin sa TFC na consistent na number sila at kinabog ang ibang shows ng Kapamilya Network.

Kaya naman sobra-sobra ang pasasalamat ni Arjo sampu ng kanyang mga kasamahan sa show sa mga loyal viewer ng Dugong Buhay. Naway patuloy daw na suportahan ang kanilang show.

Pangarap naman ni Arjo na magkaroon ng primetime soap after Dugong Buhay para naman masubukan niyang magkaroon ng regular primetime soap.

Cesar, nasasaktan na raw sa mga negative write-up sa kanila ni Sunshine

MAS nakatuon na lang daw at mas binibigyang atensiyon ni Cesar Montano ang kanyang trabaho, kaysa pag-usapan pa ang gusot na namamagitan sa kanilang mag-asawang si Sunshine Cruz-Montano.

Deadma na lang daw ito sa patuloy na bumabatikos sa kanya. Pakiusap nga niya sa mga taong patuloy na nanghihimasok sa problemang kinakaharap nilang mag-asawa na tantanan na sila dahil masyado na siyang nasasaktan. Naaapektuhan na rin daw ang mga anak niya sa mga tsismis na lumalabas sa kanilang dalawa ni Sunshine.

Alam daw ni Cesar na nasasaktan na ang kanyang mga anak sa nangyayari sa kanilang mag-asawa at ito raw ang labis na ikinalulungkot ng mahusay na actor.

Kaya naman ayaw nang pag-usapan pa ni Cesar ang tungkol sa mga nangyayari sa kanila ni Sunshine para ‘di na lumaki pa. Aminado naman  ito na habang nagpapalitan sila ng mga salita sa bawat interview nila tungkol sa tunay na estado nila bilang mag-asawa ay mas gugulo lang.

Kaya naman mas pinili na lang nitong manahimik na lang at nangangarap na sana raw ay matapos na kung anuman ang problemang kinakaharap nilang mag asawa.

John Fontanilla