HATAW! D'yaryo ng Bayan hatawtabloid.com
NAPATAY ang isang hinihinalang motornapper matapos makipagbarilan sa mga operatiba sa lungsod ng Cabanatuan, lalawigan ng Nueva Ecija nitong Lunes ng madaling araw, 31 Oktubre.
Batay sa ulat na ipinadala kay PRO3 Regional Director P/BGen. Cesar Pasiwen ng Nueva Ecija PPO, kinilala ang napaslang na suspek na si Crisanto Reyes, sakay ng isang asul na motorsiklong Rusi na target ng hot pursuit operation kaugnay sa iniulat na insidente ng pagnanakaw ng motorsiklo sa Brgy. Kapitan Pepe, sa naturang lungsod, dakong 12:30 am.
Nabatid na naispatan ng mga operatiba ng Cabanatuan CPS ang suspek sa bahagi ng Purok Centerville, Brgy. Dionisio S. Garcia.
Habang pinahihinto, pinaputukan ni Reyes ang mga pulis na napilitang gumanti na ikinasapol ng suspek at nagresulta sa agaran niyang kamatayan.
Narekober ng mga awtoridad sa pinangyarihan ng krimen ang motorsiklong sinasakyan ng biktima na walang plaka, isang kalibre .45 baril, at mga basyo at bala para sa kalibre 9mm baril. (MICKA BAUTISTA)
