MATABIL
ni John Fontanilla
MARIING pinabulaanan ni Bidaman Wize Estabillo ang kumakalat na balita sa social media na pinaasa niya ang Kapamilya singer na si Lucas Garcia.
Ayon kay Wize nang makausap namin sa premiere night ng Expensive Candy na walang katotohan ang malisyosong balita dahil magkaibigan sila ni Lucas at walang mas malalim pang relasyon.
‘Yung lumalabas na litrato nila Lucas ay kuha sa team building nila sa Laguna dahil pareho sila ng management (Polaris Star Magic).
At ‘yun ang time na naghaharutan at nagkakatuwaan sila during team building, kaya nagulat na lang siya nang mag-trending sa social media na pinaasa niya si Lucas na isang malaking fake news.
Nagkausap na sila ni Lucas sa chat at maging ito ay natatawa na lang sa kumalat na balita sa kanilang dalawa.