Carlo pinalakpakan ang husay sa Expensive Candy

MATABIL
ni John Fontanilla

PINALAKPAKAN  ang ilang eksena ng award winning actor na si Carlo Aquino sa katatapos na premiere night ng Expensive Candy sa husay na pagganap nito bilang si Toto Camaya na isang guro na na in love sa isang bar girl na si Candy na ginampanan naman ni Julia Barretto.

Ginanap ang red carpet premiere night sa SM North The Block Cinema 3 last Sept. 6 na dinaluhan at sinuportahan ng mga kaibigan at kamag-anak na sina Yassi Pressman, Bidaman Wize Estabillo, Benz Sangalang, Keagan De Jesus, Quinn Carillo, Moira, Joko Diaz, Alamat, Marco Gomez, Mj Cayabyab, Leon Barretto, Marjorie Barretto atbp..

At kahit nga first time na nagkasama sa isang pelikula sina Carlo at Julia, mayroon silang chemistry at parehong napakahusay ng kanilang pagganap sa kani-kanilang role.

Maganda ang istorya ng Expensive Candy at maganda ang pagkakagawa ng pelikula ni Direk Jason Paul Laxamana mula sa madadramang eksena at mga sexy scene. Bukod sa kapupulutan ito ng aral.

Ang Expensive Candy ay mapapanood sa Sept. 14, hatid ng Viva Films.