Sa Zambale s
SUSPEK SA PAMAMASLANG NG 82-ANYOS LOLA TIMBOG

NASUKOL ng mga awtoridad nitong Sabado, 3 Setyembre ang pangunahing suspek sa pagnanakaw at pagpatay sa isang matandang babae sa bayan ng San Antonio, lalawigan ng Zambales.  

Sa ulat mula kay P/Col. Fitz Macariola, provincial director ng Zambales PPO, kinilala ang suspek na si John Henrick Balendres, 19 anyos, nadakip sa pinagtataguan sa lungsod ng Olongapo.

Pangunahing suspek si Balendres sa pagnanakaw at pagpatay sa biktimang si Teresita Sison White, 82 anyos, isang American (Dual Citizen), at residente sa Brgy. Sto. Niño, San Felipe, Zambales.

Napag-alaman sa ulat, nahuli ang suspek sa ikinasang manhunt operation ng mga tauhan ng Provincial Intelligence Unit, na pinangunahan ni P/Lt. Col. Gilbert Diaz, 2^nd PFMC, PIDMB at San Felipe MPS, kasabay ng pagsisiyasat sa mga kuha sa CCTV na nagsimula sa karatig bayan ng San Antonio hanggang sa bayan ng suspek sa Naic at Tanza sa Cavite hanggang matunton sa Olongapo.

Narekober ang isang cellphone na pag-aari ng biktima mula sa suspek na kasalukuyang nakapiit sa San Felipe MPS habang inihahanda ang mga kasong ihahain sa korte. (MICKA BAUTISTA)