HATAW! D'yaryo ng Bayan hatawtabloid.com
SHOWBIZ KONEK
ni Maricris Valdez Nicasio
HINDI nakaligtas ang magaling na aktor na si Raymond Bagatsing na hindi magpakita ng kaseksihan sa bagong handog ng Viva Films sa Vivamax, ang The Escort Wife na idinirehe ni Paul Basinillo at mapapanood na sa September 16.
Napalaban si Raymond sa mga palabang leading ladies niyang sina Janelle Tee at Ava Mendez. Pero in fairness, yummy pa rin ang aktor kahit sabihing 50 plus na ito at tiyak na pagnanasaan pa rin ng mga makakapanood.
“I think it was never a choice for me to bumalik sa, quote unquote, sexy scenes. I think it was just part of being an actor.
“Those scenes are part of a movie that was offered to me, that I liked the script, so it happened na may mga love scene, sex scene.
“I don’t really just see it as a sexy movie. I think it’s a masterpiece, written by Yam Laranas and directed by Paul Basinillo, and I believe well-acted by everyone in the cast,” paliwanag ni Raymond sa virtual mediacon ng The Escort Wife.
Itinuruing namang wildest adventure ni Raymond iyong mga baring scene sa mga lovescene.
“I suppose ‘yung mga baring scene sa mga love scene, ‘yun ang wildest. It’s not easy to do kasi to bare, to be naked in front of the camera, siyempre, the crew, the director, and your co-actors.
“It takes a lot of focus, concentration na hindi siya makaapekto sa eksena, sa karakter mo. It’s very uncomfortable na mag-plaster tapos pareho kayong nakahubad,” ani Raymond.
Ginagampanan ni Raymond ang karakter ng isang doktor, si Roy na mula sa mayamang pamilya. Hindi nito gaanong binibigyang pansin si Patricia (Janelle). Hindi magtatagal ay madidiskubre ni Patricia ang kaugnayan nito kay Chrissy (Ava) at hindi niya mapipigilan ang kanyang galit.
Sa kabilang banda, ngayon pa lang ay mainit na ang pagtanggap ng fans ni Janelle sa pelikulang ito. Maraming positive comments sa Instagram post ng aktres noong July 3 na makikitang nakayakap sa kanya si Raymond. Ganon din ang buhos ng suporta sa solo picture niya bilang Patricia na lumabas sa IG noong July 5.
Ito ang ikalawang pelikulang idinirehe ni Basinillo matapos ang musical drama movie na Indak. Kilala si direk Paul sa mga concerts at TV series na idinirehe niya sa ilalim ng Viva.
