HATAW! D'yaryo ng Bayan hatawtabloid.com
IBANG level na talaga si Coco Martin! Hindi lang sa pagiging aktor humahakot ng award ang tinaguriang Drama King, pati na rin sa pagiging endorser ay kinilala na rin siya.
Noong Sabado, September 7, binigyang parangal si Coco bilang isa sa Most Influential Celebrity Endorser of the year ng 3rd EdukCircle Awards.
Personal na tinanggap ni Coco ang recognition sa awarding ceremonies na ginanap sa UP Film Institute. Ito ay bago siya um-attend ng 7th Star Magic Ball sa Fairmont Hotel sa Makati ng Star Magic ABS-CBN.
Kasama ni Coco sa nasabing award sina Kris Aquino, Boy Abunda, Vic Sotto, at Carmina Villaroel and family.
HIndi na talaga maawat ang tagumpay ni Juan Dela Cruz. ‘Di na mabilang ang kanyang acting awards, ngayon naman ay bilang celebrity endorser. Patunay ito na isa na talagang “premium brand” si Coco Martin.
‘Di na rin mabilang ang mga produktong iniendoso ni Coco, nariyan ang Max’s Republika TM, Nescafe 3-In-1, Bench, Neozep, Belo, Cebuana Lhuillier Pera Padala, Boardwalk at iba pa.
At siyempre pa, hindi matatawaran ang pagiging consistent #1 teleserye sa Primetime ng kanyang Juan Dela Cruz.
Super congrats to Coco sa mga blessing na dumarating sa ‘yo. More to come!
