Kitkat isinilang na si Baby Girl Uno

SHOWBIZ KONEK
ni Maricris Valdez Nicasio

NAILUWAL na ng komedyanang si Kitkat Favia via caesarianang unang anak nila ng asawang si Waldy Fabia noong Martes.

Ibinahagi ni Kitkat ang picture nila ng kanilang baby girl, si Baby Girl Uno Asher noong Martes ng gabi. May caption iyong, “My life is COMPLETE  Thank you Lord for this greatest blessing. I praise, trust, honor, and love you, oh Lord  Baby Girl Uno Asher B. Favia .” 

Noong Pebrero ibinahagi ni Kitkat sa kanyang social media account ang ukol sa kanyang pagdadalantao. At noong Abril ay ini-announce nila ng kanyang asawa na babae ang magiging anak nila. 

July 4 naman ay biglaan ang nangyaring pagpapakasal nila sa Cainta City Hall.

Kuwento ni Kitkat, dapat sana’y mag-aayos lang sila ng papeles pero nagkasundo na silang magpakasal.

“Hindi nga kami handa at ang mga suot lang naming damit ay simple. Pero ok lang at least bago lumabas si Baby Uno, may blessings na kami ni Lord,” kuwento sa amin ni Kitkat over the phone.

Kahapon isang post muli ang ibinahagi ni Kitkat ukol sa kanilang baby girl. “‘Yung super wala ka pang tulog kahit segundo at wala ka pang kain pero super all worth it! Kumpleto na talaga buhay ko sa maliit na pamilya ko…hello world daw sabi ni Baby Girl Uno Asher B Favia ko (heart emoji) definitely my mini me! Taas ng boses eh hahahaha pati kilay plakado!”

Sa mga bagong magulang, congratulations sa inyo, Kitkat and Walby.