Faye Tangonan,  enjoy sa muling pagharap sa camera

ALAM MO NA!
ni Nonie Nicasio

IPAGPAPATULOY nina Faye Tangonan at Direk Romm Burlat ang shooting ng pelikulang Bakit Nasa Huli Ang Simula? na natigil dahil sa pandemic.

Kuwento ni Ms. Faye, “For now, we’re planning to resume the shooting of our last movie with direk Romm. Together with William Martinez, Lance Raymundo, Lester Paul Recirdo and a lot more.

“Mas confident na akong mag-resume kami ng shooting, since medyo safe na talaga regarding Covid 19. I’m just so glad we’re slowly getting back to normal.”

Nabanggit din niyang nag-eenjoy siya sa muling pagharap sa camera. “Yes, nag-eenjoy ako sa muling pagharap sa camera. I’m just so thrilled to do another movie again. I feel so honored and blessed,” aniya.

Nalaman din namin sa kanya na bukod dito, may niluluto rin silang bagong pelikula na ang title ay Bakal na Bulaklak na plano nilang gawin sa October. Ang ilan sa napipisil na maging bahagi nito ay sina Teresa Loyzaga, Faye, Lovely Rivero, Jay Manalo, at Neil Perez.

Mas magiging active na ba siya ulit sa kanyang acting career? Wika niya, “Yes po. We have an upcoming project with direk Romm Burlat.”

Ito ba ‘yung continuation ng Bakit Nasa Huli Ang Simula? “Nope po, it’s a different film,” matipid na saad ng seksing-seksing aktres/producer.

Nagkuwento rin ang beauty queen-turned actress ng hinggil sa kanyang foundation.

“I am actually launching my foundation and our very own, ‘Global Distinction Awards’ which aims to recognize exemplary, outstanding and distinguished people who have made a name in the national and international arena.

“Nominations are still going on. Our event is tentatively scheduled on September 10, 2022 in Okada Manila,” pakli ni Ms Faye.