Tserman, misis utas sa ambush
KAPWA namatay ang barangay chairman at kanyang misis makaraang tambangan ng hindi nakilalang mga suspek kahapon sa Angadanan, Isabela.
Kinilala ang mga biktimang sina Brgy. Capt. Arnold Pastor at Lailanie Pastor, residente ng Brgy. Loria ng nasabing bayan.
Ayon sa ulat ng pulisya, naganap ang insidente dakong 2:55 a.m. sa nabanggit na barangay.
Nabatid na galing ang dalawa sa pakikipaglamay at pauwi na sa kanilang bahay sakay ng silver Toyota Hilux (UPQ-672), nang sumulpot ang mga suspek at sila ay pinagbabaril.
Nagsasagawa ng malalimang imbestigasyon ang pulisya upang mabatid kung sino ang responsable sa krimen at kung ano ang motibo ng mga suspek.
(J. SINOCRUZ/B. JULIAN)
